يَسْتَفْتُونَكَ قُلِ اللَّهُ يُفْتِيكُمْ فِي الْكَلَالَةِ إِنِ امْرُؤٌ هَلَكَ لَيْسَ لَهُ وَلَدٌ وَلَهُ أُخْتٌ فَلَهَا نِصْفُ مَا تَرَكَ وَهُوَ يَرِثُهَا إِن لَّمْ يَكُن لَّهَا وَلَدٌ فَإِن كَانَتَا اثْنَتَيْنِ فَلَهُمَا الثُّلُثَانِ مِمَّا تَرَكَ وَإِن كَانُوا إِخْوَةً رِّجَالًا وَنِسَاءً فَلِلذَّكَرِ مِثْلُ حَظِّ الْأُنثَيَيْنِ يُبَيِّنُ اللَّهُ لَكُمْ أَن تَضِلُّوا وَاللَّهُ بِكُلِّ شَيْءٍ عَلِيمٌ

Сендан фатво сўрайдилар. Сен айт: “Калола (4:12) ҳақида фатвони Аллоҳ беради”. Боласи бўлмаган, бир синглиси бор киши ўлганида, ундан қолганининг ярми синглисига. Бундай киши, боласи бўлмаган синглиси ўлганида, мероснинг ҳаммасини олади. Агар маййитнинг икки синглиси бўлса, мероснинг учдан иккисини олади. Агар ворислар эркак-аёл туғишганлар бўлса, бир эркак икки аёл улушича олади. Адашмангиз дея Аллоҳ сизга очиқ-ойдин баён қилмоқда. Аллоҳ барча нарсани билгувчи Зот.